ლალი და გაბო
ლალი ჩვენი მეზობელია, ჩვენს თავზე ცხოვრობს. გაბოს და ლალის საოცრად უყვართ ერთმანეთი. გაბო ურეკავს,ხშირად აკითხავს ლალის, ფანჯარაში იყურება თუ სარეცხს ფენს ლალიკო, ეძახის, ეპატიჟება. თუ წვიმა წამოვა და ლალი სახლში არ არის ერთ ამბავშია სარეცხები არ დაუსველდესო. ლალი გაბოს ბუს, ბუბუს, ბუბუსიას, ბაკუს და რა ვიცი რას არ ეძახის. ხშირად ანებივრებს ტკბილეულით და საჩუქრებით. ერთ დღეს გაბომ ლალის კინდერი თხოვა, ლალი შეპირდა, გაბო დაფიქრდა და უთხრა თუ ძვირია არ გინდაო. ერთ საღამოსაც ლალი და გაბო თამაშობენ, ერთმანეთს ეალერსებიან, გაბო კოცნის ლალის და არ უშვებს სახლში. მოგვიანებით მარტო დარჩენილები ტელევიზორს ვუყურებთ, გაბომ მოწყენილობა შემატყო-ბებო, რატომ მოწყინდი? (მოიწყინეო) ლალის რომ ბევრი ვაკოცე იმიტომ?!
-არა, გაბო ლალი ხომ მეც მიყვარს!
გაბომ ეს არ დაიჯერა და მეც უზომოდ ბევრჯერ მაკოცა.
No comments:
Post a Comment