ზომბები
ბავშვები თამაშობენ. გაბო ტრაბახობს.-გუჯას ვჯობივარ ბერავში! (ბერვაში) თინა მოდის ყვირილით
- ვინმე თეფში მომცემენ? გეძახებდით, წყალი ცოტა გამოდიოდა, ცენტრალური არაა?!
- გაგააგდე ეს ჭიქა!- შენიშვნა მისცა გაბომ.
- შენი საქმე არ არის!- შეუბღვირა თინამ.
- თინა ითამაშე!- დაპატიჟა გუჯამ. თინაც ჩაერთო თამაშში. გაბო ცუღლუტობს.
- გაბო შენ გატუტუცდი, ადრე ასე არ იყავი!- მივმართავ გაბოს.
-ბაღში ბაღელებმა გამაცექტეს! (გამაცელქეს) - თავს იმართლებს გაბო.
- ნეტა გაჭრა ამისუქდეს! (ამისრულდეს) ნატრობს გაბო.
- ბებო ჩაწერე "ამისუქდეს," გაბო თქვა!- მომვარდა თინა. მეცინება.
- ზომბები ვითამაშოთ, მე ვუყურე ზომბები რომ იყო და ყველა შეჭამა, მე ვიქნები ზომბი!-პათოსით წარმოთქვა თინამ.
- ყველა უნდა შეჭამო?!- აღშფოთებას ვერ მალავს გაბო.
- ჰო, უნდა შევჭამო!- არ ეპუება თინა.
- ბებო, ზომბები არსებობს?- მეკითხება გაბო.
- არა, ნუ უყურებთ ასეთ ფილმებს!
- არც დინოზავრი არსებობს?- ვერ ისვენებს თინა.
- არ არსებობს!- ჯავრობს გაბო.
-არც დრაკონი? ღამურები ხომ არსებობს, აქ ტყეებია, კვერნები და ღამურები დაგვსდევენ!- თქვა გაბრაზებულმა თინამ.
- არა, თინ, კვერნები და ღამურები არ გამოგვეკიდებიან! -ვამშვიდებ მე.
- ზომბები?
- ბებო, ხო თქვი ზომბები არ არსებობენო? თინას არ სჯერა!
- ჰო, გაბო, მართალი ხარ!
-ხომ გითხარი ზომბები არ არსებობს, მე გამოვიცნე, დედები უფროსები არიან და იციან!-ნიშნისმოგებით უთხრა გაბომ.
