გაბო და ალიშანი
ოთხი წლის გაბო ბაღში ექვსწლიანთა ჯგუფში მოხვდა. კარგად შეეწყო და ღონისძიებებიც კარგად დასძლია. ჯგუფში ერთი აზერბაიჯანელი, დიდი, მსუქანა, დევივით ალიშანი ჰყავს, რომლისაც ყველას ეშინია, ყველას ერევა. გაბო ტრაბახობს მე არ მეშინია, ვერ მომერევა, ძლიერი ვარო, მეც ვუჯერებ და მიხარია. ერთ დღეს გაბო ბაღიდან უნდა წამოვიყვანო, ვხედავ გაფართოებული თვალებით ვიღაც ზორბა ქალს მისჩერებია და მექაჩება, ჯერ არ წამიყვანოვო. შევხედე ქალს და იერით მივხვდი ვინც იყო,იმასაც მივხვდი, რომ გაბოც მიხვდა.-ბებო რამხელა დედა, რა მსუქანი, რა დიდი დედა ჰყავს ალიშანს!- ხმამაღლა ამბობს გაბო.მე ვცდილობ გავაჩუმო, პირზე ხელს ვაფარებ, მაგრამ შენც არ მომიკვდე, ბავშვი ემოციებს ვერ ფარავს, ჭკუაზე არ არის. რა თქმა უნდა გაიგონეს, მასწავლებელმა თქვა დედამისის შემხედვარეს გაუკვირდებოდა ამხელა ქალიო.როგორც იქნა შინ წამოვიყვანე, სახლშიც მოჰყვა ალიშანის დედაზე. ალიშანი წელს სკოლაში მიდის, გაბომ მასთან სამახსოვრო სურათი გადაიღო. სურათს "გაბო და დევი ალიშანი" დავარქვით.
No comments:
Post a Comment